糖妹做阿四氹老友記

「宅男女神」糖妹日前與過百學生出席《襪襪送》慈善記者會，以學生Look束了孖辮的她，到場後獲不少男學生投注目禮，氹得糖妹笑逐顏開，她表示小時候已開始做義工，她說：「多數都係去啲公公婆婆屋企清潔，啲公公婆婆可能少人同佢哋傾偈，我邊抹邊同佢哋吹水，佢哋已經好開心，見佢哋咁開心，我都開心埋一份。」

籲歌迷行善

糖妹直指有些老人院質素差，問到是否有長輩遭受不禮貌對待？她說：「已經過咗身，不過聽佢老婆講，服務同環境都好差，錢使咗唔緊要，但聽到啲故事真係好心噏。」孝順女的糖妹不時在微博及個人網誌呼籲歌迷要多關懷老人家，她說：「希望政府實行多啲措施幫助佢哋！」

扮學生妹的糖妹混入學生群中。

糖妹早前便與謝天華等步行籌款。

孤單情人節

問到情人節有否約會？糖妹扁嘴說：「冇呀，之前中國情人節想搵人出去食糖水都冇人理我，睇吓2月14日約唔約啲單身朋友出去啦。」對於組合農夫成員陸永囡囡出世榮升爸爸，糖妹興奮說：「希望似佢老婆啦，千祈唔好似佢。（似陸永醜樣？）似媽咪好啲。」

採訪：音樂組