周家蔚谷生龍仔讚天明勁
鄭裕玲主持的節目《財智達人II》昨日在將軍澳電視城一連錄影兩集，「321」將下嫁洪天明的周家蔚表示：「婚後會發力『造人』望懷龍胎，依家會食多啲健康食品吸收葉酸。（可有要天明進補？）唔知食咩會勁啲，我覺得佢夠勁喇，佢成日踢波做運動身體好強壯。」
而另一集嘉賓呂慧儀身穿大褸遮肚亮相，令人懷疑她有喜？她說：「唔係，未有『蟹子』，如果生BB起碼要用一年時間準備食啲葉酸、鈣片，情人節都要開工，邊有時間呀。」她希望儲夠首期買到新樓才生仔。
至於徐淑敏則表示不懂理財，未嫁前更負資產半百萬，花在供車、購物上，高峰期月使六位數字，入不敷支。現時有老公黃浩教理財，而將經營美容生意的她亦慶幸有老公提點一切。