林夏薇情人節冇着落
林峯堂妹林夏薇昨日以大露背裝亮相護膚品活動，她表示直至三月中也忙於拍劇。提到如何慶祝元宵，她說：「冇男朋友，都係留喺屋企同家人食湯圓。（情人節呢？）要返工，之後都係同屋企人過。（屋企人冇畀壓力搵男友？）冇，隨緣啦！」問到有何擇偶條件，她坦言：「冇特別條件，（圈內或圈外？）隨緣，有才華同最緊要錫我。我係巨蟹座，家庭觀念重，鍾意陪屋企人。（想組織自己嘅家庭？）未諗咁遠住。」
同場還有恒生新抱何倍倩、湯鎮業姪女湯洛雯、模特兒傅嘉莉等，湯洛雯表示自己一向注重護膚，對於現時的模特兒工作感滿意，但有機會亦希望試吓拍戲。
