苟芸慧認自私 飛甩羅天宇
拍拖兩年的無綫藝人苟芸慧與羅天宇雖然外形合襯，可惜一直備受壓力，加上二人決定在事業衝刺，幾經掙扎後遂決定和平分手。雖然如此，苟芸慧坦言曾懷疑對方變心，並慨嘆自己拍拖時很自私！
前華姐冠軍苟芸慧與前香港先生羅天宇由於外形合襯，拍拖兩年多一直備受看好。可惜無綫對二人戀情並不「十卜」，更多次施壓，再加上希望發展事業，經過多次詳談後，終忍痛分手！
不排除復合
雖然如此，二人「再見亦是朋友」，皆因羅天宇的母親是苟姑娘契媽，對在港「無親無故」的苟姑娘自然照顧有加，故此二人分手後關係仍如家人。苟姑娘受訪時亦對前男友讚賞有加：「佢嘅思想都成熟咗好多，我哋會默默支持大家。」她又坦言起初分手時，曾一度懷疑對方變心：「其實唔應該諗太多。」她又不排除與羅天宇復合：「可能之後我哋再有機會喺番埋一齊，感覺會更加唔同呢！」
苟姑娘自責在感情方面有點自私，並立志分手後要重新出發：「呢兩年我係好自私，冇珍惜身邊愛我嘅人！2012年我要重新定位，做咗要做嘅嘢先。除此之外，我都想照顧父母，因為佢哋年紀開始大，身體都唔係咁好，我好想努力工作賺錢買層樓，等佢哋返香港時可以住。」
合作冇尷尬
羅天宇亦強調是和平分手，不過卻未有正面回答誰人先提出分手：「冇話邊個提出，大家傾過都覺得有壓力、唔開心。我作為一個男仔，壓力唔會比佢少！長此落去，對大家都唔好。」他又直認無綫對戀情施壓：「始終我哋同一間公司，壓力好大，都會唔開心。」他與苟姑娘口徑一致，自稱關係一直良好，故此將來有機會合作拍劇亦不感尷尬。
文：影視組