容祖兒率同門龍年「撈起」

祖兒與基仔率領一眾同門，前晚在跑馬地一間中菜廳參加公司團拜，眾人一見老闆楊受成即大講賀年說話逗利是，又互相派利是搞氣氛，非常熱鬧。

今年祖兒選擇留港與親友度歲，初一食到初七，利是滿載而歸，她說：「今年農曆新年只有一日返內地做騷同錄咗一首歌，其餘時間去拜年，走勻港九新界逗利是，親情可貴！」祖兒的新年願望是她擔正的新片《DIVA》大收旺場，監製杜汶澤亦表示對該片期望很高。

楊受成（右二）準備十多萬元的利是「獎勵」員工。	陳偉霆打桌球耍樂。	Twins今年將合體出新碟。

Sa嬌合體公司揼本

至於Twins農曆新年分開玩，鍾欣桐（阿嬌）飛加拿大向契老竇、導演劉鎮偉拜年，她說：「我同劉導演嘅囡囡好好感情，佢只有14歲但已經係鋼琴和油畫高手，好有藝術天分。」至於蔡卓妍（阿Sa）則與男友陳偉霆到蘇梅曬太陽：「我怕凍，每年冬天都要去吸陽光。」今年Twins將會合體推出廣東專輯，阿Sa透露：「公司好揼本，搵咗同中島美嘉合作過嘅日本團隊NAM合作，希望令大家眼前一亮。」至於基仔除了繼續出碟和拍廣告吸金，最近更有廣告商重金禮聘他擔任廣告導演。

否認擁2.2億元物業

此外，有傳祖兒擁有合共逾2.2億港元包括地舖物業，經理人霍汶希連聲否認：「祖兒根本無舖位，亦無八間屋咁多，對於呢啲失實報道，不作回應。」

文、攝：專案組