吳綺莉脹爆湯圓愁爆
早前簽約無綫的吳綺莉昨日出席《慈善星輝仁濟夜》記者會，擔任主持的她屆時將以露膊裝現身。她自爆日前與苗僑偉（三哥）為新劇《雷霆掃毒》拍婚照時拉不到拉鏈，只靠着打底衫及頭紗掩飾。
在劇中吳綺莉飾財富調查組督察，瓦解洗黑錢集團，並與「前夫」三哥育有一名六歲兒子。可有遭三哥電暈？吳綺莉說：「冇喎！但好多朋友都羨慕我同佢合作。」未知會否有激情戲。
對於早前被指因成龍「閂水喉」而愁爆過年，吳綺莉說：「救命呀！我覺得自己因為脹爆先愁爆。經理人都問我有冇唔開心，我見到自己成粒湯圓咁就真係唔開心。」