財爺去年派六千元「大利是」，不少市民受惠，陳法拉當時仍未符合香港永久居民資格，未能得嘗「甜頭」，今年她攞咗「三粒星」，原以為有機會分享港人成果，可惜財爺今年不派糖，法拉可謂見財化水，但她坦言沒有因此不開心，只恨政府房屋政策搞得不好，未能在港置業。
法拉說：「我一直都有留意樓市，但樓價真係太高，我去過世界各地旅行，就算日本地價咁高樓價都冇香港咁貴，香港樓價真係高到令人好驚，所以我都會睇定啲，始終香港都係我置業首選。」
