春風滿臉返港 超瓊講俞琤冇避忌
何超瓊（Pansy）昨晨7時許由英國倫敦返港，守候的傳媒一湧而上，場面頗混亂。身穿粉紅色長袖衫、黑色背心羽絨、長褲及挽着綠色手袋的Pansy現身時，現場有一名男司機替她拎行李，兩人急步走到停車場，Pansy昨日心情勁靚兼春風滿臉，問到俞琤是否其「男朋友」？她笑笑口說：「知你會咁問﹗」
學微博影射超雲？
至於旅程是否玩得開心？她說：「好短，只得幾日休息。（巴黎去咗邊度玩？）冇乜值得講嘅價值，唔興將行程放上微博，要學吓先得喇。」未知是否意有所指經常在微博洩「蜜蹤」的何超雲和陳山聰？
問到知否在巴黎被傳媒影到拖手相？Pansy說：「有朋友講過，但我未睇。」問到情人節如何度過？她沒有回應，至於對俞琤這位「知己」有何評價？她略帶不耐煩說：「講過喇，唔再講。」之後便急步上車離開。
平日十問九唔應的Pansy，昨日一反常態，當傳媒追問她與俞琤外遊一事，不但未有黑臉，且有問必答，似對這段「瓊俞」關係採取公開態度。