周汶錡豬龍入水 恨嫁成真

名模周汶錡（Kathy）落手落腳製作龍年揮春，她先把色紙裁剪到適當大小，並逐一壓上凹痕，造成立體效果。只花了近一小時，精靈的龍頭便瞬間製成，Kathy取其諧音，於揮春上寫上「豬『龍』入水」，期望新一年事事順利，賺個盆滿缽滿！

最緊要係開開心心

她更以一個心形公仔代替「豬」字的日，又於背景加上大量心心圖案，寓意被愛所包圍。問到她是否希望與男友於龍年拉埋天窗？她笑言：「年年都想o架啦！今年娛樂圈好多喜慶事，希望我都沾到啲福氣。不過結婚呢啲嘢，都係隨緣啦，最緊要都係我哋兩個開開心心！」

她坦言製作過程中，勾起她不少童年回憶，並笑言：「細個最鍾意新年，因為唔使返學，又可以同媽咪去拜年逗利是。不過依家掉番轉，係我畀利是媽咪，最緊要係佢開開心心。」

疑遭杜德偉翻舊帳

另外，Kathy在新年前夕疑遭前男友杜德偉（Alex）翻舊帳，暗示她有公主病。Alex日前在台灣綜藝節目上，大爆前模特兒女友難服侍，他舉例：「當年大家一齊去歐洲旅行Shopping，買咗五大箱行李，期間要上落樓梯，但佢完全冇幫手，要我一個人來回五次搬行李。」Alex曾拍拖的模特兒女友只有Kathy及王珈晴（Bibe），但Bibe稱從未與Alex到過歐洲旅行，Alex所指的難服侍前女友身份呼之欲出。而Alex在台灣另一個活動上，演唱歌曲《脫掉》時將褲子脫掉，露出入面的白色緊身褲，成為焦點。

採訪：名人組

攝影：吳文聰

髮型：Debby Kwan @ HAiR

導師：Kit South

場地：KS紙雕工作室