阿佘陳豪密賺過肥年

佘詩曼、陳豪及黃德斌等昨到老人院宣傳新劇《4 in love》，為劇集作最後一次宣傳的阿佘透露，將於初三回橫店繼續拍攝劇集：「我年初一、二會返內地出席樓盤活動，（搵真銀？）咁啱喺內地接咗啫。」
陳豪與阿佘到老人院提早向各長者拜年。
陳豪與阿佘到老人院提早向各長者拜年。

近期密密接job的陳豪就透露工作量理想，故能過個肥年：「我今年都拍咗八個大型廣告，除咗獎項以外，廣告方面運情好好，真係十年難得一遇，有時揭雜誌成日見到自己都覺得有啲唔好意思，（女朋友旺你？）可能啦，（娶得過？）佢係好女仔。」

陳豪與佘詩曼寫揮春宣傳新劇。
  • 陳豪與佘詩曼寫揮春宣傳新劇。