「少時」空中晒腿 阿叔駁腳喪（目及）
韓國當紅組合少女時代（「少時」），前晚舉行首次香港演唱會，獲萬名港迷撐場。九女表現落力，在空中站在韆鞦上表演，又變身水手上船跳唱，全力晒腿，有阿叔粉絲就企在摺櫈上爭睇索腿。
「少時」前晚在港開騷，大批粉絲早在下午已帶同橫額及巨型海報到場等候。除三位成員的父母越洋撐場外，本地歌手糖妹亦現身捧場。
九女在8時15分現身展開演唱會，各人以性感姿態展示個人魅力，除在半空中站在韆鞦晒腿，尾聲時又以水手服跳唱。一向以索腿見稱的「少時」，吸引不少阿叔歌迷帶同望遠鏡、摺櫈，實行以奇招爭睇靚腿。「少時」對歌迷能跟住跳唱感到驚喜，Soo Young與Sunny先後感動落淚，Yuri則希望能再度來港。
200粉絲送機
昨午，「少時」現身機場準備坐飛機返回韓國，獲逾200粉絲送機，當中不乏身穿校服的學生，有粉絲為見偶像一面更站在垃圾桶上，夠晒誇張。戴上墨鏡的Sunny入閘前友善地跟樂迷揮手，而Soo Young則留港購物，未隨大隊離港。
文：外娛組