阿刨榮歸加國 戲迷盼回港添食
粵劇名伶龍劍笙（阿刨）完成25場《龍情詩意半世紀》折子戲後，昨日載譽返加拿大，獲主辦新娛國際負責人丘亞葵和約百位熱情戲迷送機，戲迷對阿刨依依不捨，紛紛要求偶像務必返港再開騷，阿刨很感激戲迷支持，還跟他們合照留念，表現親切。
合作睇緣分
丘亞葵送阿刨入閘後即被戲迷捉住，希望他再請阿刨返港演出，他表示今次跟雛鳳合作非常開心，還大讚阿刨演出爐火純青：「佢唱咗25場，每場4粒鐘，共100小時嘅演出絕無瑕疵，好多戲迷都要求佢返嚟做大戲，自己都好想同阿刨再合作。」問會否開part 2？他說：「唔會係part 2，一定重新籌備，依家等阿刨休息吓先，以後合作睇緣分安排。」
播片段籌款
由於《龍》口碑載道，連無綫《慈善星輝仁濟夜》都希望能借《龍》劇威力協助籌款，丘亞葵說：「有仁濟總理睇完套劇好感動，聯絡我哋希望播片段籌款，今次破天荒剪輯6分鐘片段喺電視播出，阿刨都好開心可以做到善事。」他並透露將於2月會推出《龍》DVD，限量發行4,888隻讓戲迷收藏。
文：音樂組