曾志偉笑林家冰樣夠奸

曾志偉、毛舜筠（毛毛）、江欣燕及沈卓盈等昨日到粉嶺拍攝賀年特輯，志偉表示將於年廿九到美國登台，毛毛則留港度歲。剛擔任應屆華姐司儀的志偉，對於香港代表朱晨麗三甲不入亦大感意外：「我都以為佢有三甲！冠軍係有啲爆冷，所以話評判幾重要？」他笑言貌似陳法拉的季軍林家冰適合拍戲演反派。

提到賀歲檔再與勁敵黃百鳴拗手瓜，志偉希望兩片皆大收，但不忘寸嘴：「佢咪似足我過去兩年嗰兩部戲咁囉！都係大堆頭、加插好多歌！（你點解唔用林峯首《Chok》？）留畀黃百鳴用，等啲觀眾睇到Chok晒。」沈卓盈表示新年會狂食慶祝，提到好友徐淑敏搞美容生意，她表示不會入股，但會做白老鼠試產品。