陳慧琳鳳梨酥應急
懷有六個多月身孕的陳慧琳，前晚腹大便便腳踏吋半高跟鞋出席首映，她更被古天樂踢爆閃石手袋中僅藏一粒「鳳梨酥」，她表示以防睇戲途中肚餓，相當搞笑。
陳慧琳前晚聯同吳君如、甄子丹、古天樂、熊黛林、杜汶澤、吳千語、劉子千和鄭中基等，出席黃百鳴賀歲電影《八星抱喜》首映禮。腹大便便的陳慧琳，以火紅色露肩裝、腳踏吋半高跟鞋亮相，她說：「個肚大得好快，對鞋要平衡番，BB喺我食飽同臨瞓前成日踢我。」她昨日接受查小欣訪問，說照4D超聲波後，清楚看見肚中「小龍包」的樣子：「佢都有個蝦餃下巴，好得意。」
熊黛林等影頭馬相
古天樂在首映中盡顯紳士風度，不時扶着陳慧琳出入，他陰陰嘴笑說：「我仲檢查咗佢手袋添。」隨之陳慧琳大方打開鑲滿閃石的高貴手袋，赫然入面僅藏有一粒「鳳梨酥」，她說：「係呀，我怕睇睇吓戲會肚餓嘛！」
「城嫂」熊黛林被問到郭富城為愛駒改名「愛的呼喚」，她說：「冇聽過喎，幾好吖，係佢經典嘅歌名。（以你為名？）咁又唔得。（有咩心水名？）唔知係邊隻馬，之前見過兩隻。（送馬畀你？）到時先算啦，咁嚴重嘅問題。」問她到時會否去拉頭馬？她笑說：「影相就得。」在旁的杜汶澤即大叫：「阿城真係好浪漫！」
君如用兩對缽仔糕
吳君如露出深深事業線搶鏡，她說：「配合番角色，要一個冇身材嘅人做有身材嘅角色最慘，拍戲最少用兩對缽仔糕，所以都要騷小小事業線出嚟首映。」在旁的甄子丹笑言不知吳君如身材，還說：「我又唔係陳可辛。」有份出席首映的鄭中基沒有上台大合照，未知是否避與做大會司儀的太太余思敏同台。
文：影視組