基仔韓國擸亞洲明星獎
古巨基近年積極開拓海外巿場，繼強攻大陸狂賺人仔，去年首次應邀到韓國商演，而10月期間更以香港代表到當地參加亞洲音樂節演出，據知本周三（18日）在韓國舉行的「亞洲模特兒獎頒獎禮」，基仔將獲頒「亞洲明星獎」，屆時他將親自飛到首爾領獎，短短一年內連飛韓國三次。
頻撲四圍飛
據知這個亞洲大型模特兒慶典將一連兩晚舉行，明晚（17日）先有「模特兒獎頒獎禮」，後晚（18日）則舉行「亞洲模特兒獎頒獎禮」，廣邀來自香港、日本、新加坡、泰國及韓國等地人氣紅星出席，之前台星林志玲、言承旭及韓星李多海、李炳憲等都曾先後獲獎。
農曆新年將至，基仔尚未放假收爐，今個星期還要頻撲飛來飛去，今日他要到江門出席商演活動，明日就到杭州為央視一個春晚節目進行錄影，翌日即由杭州直飛韓國出席頒獎禮，到年廿九基仔又要到廣州出席另一個春晚節目直播演出，大年初一凌晨才趕返港與家人度歲。
文：音樂組