Crystal搬離蝸居

據知自Regen離隊後，Hotcha其餘兩名成員Crystal及Winkie發展更為理想，由於二人不時孖着演舞台劇及出席活動，工作不斷。由於少了Regene「分贓」，Crystal與Winkie收入比以往更為可觀，Crystal更計劃小屋搬大屋，由原本二百多呎搬往四百呎單位。

日前，Crystal在助手陪同下，到黃埔某地產舖打聽行情，只見她們在店舖門外站立良久，對出租啟事指指點點，經過十分鐘「從長計議」，二人推門步進店內，逗留約五分鐘後即與地產經紀四出尋找心頭好。

Regen（中）離隊後，Crystal和Winkie（右）兩人賺得更多。	影低環境	檢查窗框

細心視察環境

當日所見，Crystal主攻黃埔花園小型約四百呎單位，雖然年紀尚輕，但Crystal睇樓經驗卻相當老到，除了不時探頭張望附近環境及視察屋內間隔是否理想外，更與助手重複開窗關窗動作，確保門窗未有生銹。二人看了約兩個單位後，即滿意離開，認真快手。

Crystal揀啱心水單位後，和地產經紀握手道別。

Crystal看着工人搬屋，但親自背着寶貝結他。

新居住得舒服

另隔了數天，Crystal即開始搬屋，由於全程由搬運工人代勞，她識做地為眾人買水解渴，認真體貼。

事後致電Crystal問她是否儲夠銀彈置業？她笑着否認謂：「租之嘛，依家個價都仲係太貴。」再問睇樓有否一擊即中，她說：「有個單位好新淨，廁所同房嘅間隔都幾好，月租萬零蚊幾好o架。（賺多咗細屋搬大屋？）唔係，咁啱之前間屋租約期滿，咪諗住搵間大啲住得舒服啲。（點解揀黃埔？）貪交通方便。」

文：影視組