李思欣喜宴湯碗胸娛賓

李思欣與范振鋒昨日在金鐘萬豪酒店補擺喜酒，兄弟姊妹團成員包括鍾嘉欣、周家蔚、楊秀惠、吳國敬、DJ Bob（林盛斌）等。明星足球隊、陸詩韻、張美妮等亦親身到賀，場面熱鬧。一對新人應傳媒要求咀到拗腰，表情略顯尷尬。

12年後生龍B

新娘子思欣穿上性感婚紗谷出湯碗胸，她說：「之前喺關島結婚係浪漫，今日係朋友聚首開心熱鬧。（趕製龍Ｂ？）我ready啦！但都想過二人世界，後日又要開工拍劇，完成晒手頭啲劇，3月尾希望去歐洲度蜜月。」

左起：楊秀惠與鍾嘉欣擔任姊妹團。	一對新人情深一吻。	范振鋒成功用腳趾在冰裏夾麻雀。

范振鋒則大嘆接新娘被玩慘事，他說：「玩到我標汗，又要用腳趾喺冰度夾麻雀，又要兄弟抱住我、倒豎葱錫晒八張老婆相。（急造人？）我日日都急要做好自己，太太仲後生，我哋趕12年後生龍B。」

嘉欣30歲結婚

首次做姊妹的鍾嘉欣揚言恨嫁，她說：「同思欣識咗6年，見證佢哋拍拖到結婚。（幾時到你承認戀情？）朋友聚會好正常啫，影相梗係搭膊頭。（結婚至認？）唔會，我都好想搵個可付託終生嘅男仔30歲結婚，仲有3年時間，冇得逼嘅！（感情順利？）依家生活幾開心。（伍允龍未求婚？）講番一對新人啦，我想佢哋生龍B。」

文：影視組