陳嘉桓引韓男埋身

青春女星陳嘉桓（Rose）及王賢誌昨日冒雨到旺角出席《三皇當糖健迎新春》代言活動，以短褲仔示人的Rose更吸引到韓國男旅客埋身索合照。剛在雲南拍畢劇集《光輝歲月》回港的她透露，雖然早前遭劍「刮傷」的眼睛已初愈，但仍留有疤痕：「好彩冇毀容咋！」早前在橫店拍劇受辱的她，被問到會否覺得2011年是「黑仔」的一年？她說：「過去嘅事唔好再提，希望今年搵番開心嘅Rose！」
陳嘉桓及王賢誌昨日冒雨派揮春。
陳嘉桓及王賢誌昨日冒雨派揮春。

此外，Rose直言《光》劇劇組人員待她親如小妹妹，並有感而發說：「唔知點解之前發生啲咁嘅事。（見到陳浩民會唔會打招呼？）過咗去嘅唔再講喇！講番啲開心嘢啦！」

陳嘉桓希望在新一年「搵番開心嘅Rose」。
  • 陳嘉桓希望在新一年「搵番開心嘅Rose」。