往日情讚張國榮強者

直到03年，Leslie去咗，其實當年我有上山拜佢。佢出殯嗰日，我喺清遠趕返香港，出席佢嘅葬禮，仲送埋佢上山。當時收到佢離世消息，真係一啲都唔相信，喺大陸聽到佢跳樓，以為係報錯新聞，我認識嘅張國榮一定唔會係咁，佢係一個好強嘅人，一定唔會為感情去輕生，佢係一個你唔鍾意我咩，我就鍾意第二個嘅人；事業方面，佢就更加強，鬥心強到不得了，每個位要力臻完美，佢冇可能喺自己最好嘅時間結束生命，係冇可能。我覺得係佢一念之差先會做呢個決定，我識於微時嘅佢一定唔係咁嘅人，因為佢係一個強者。