詩雅：睇到3種男人味

觀眾心聲

王先生：我畀8分，周杰倫表現出奇地好，佢同霆鋒嘅兄弟情好感動。

吳小姐：我畀7分，我覺得金燕玲係演員中最突出嘅一個，但戲份略嫌少咗啲。

馮先生：我畀8分，周董表情都算豐富，但霆鋒真係好出色，佢哋兩個合作得好好。

星星密語

貝安琪：9分！完全達到國際水準！霆鋒演得最好！有場講架飛機追架直升機，喺啲大廈度穿梭，拍得好特別、好緊湊！

彭健新：我畀7分，扣咗嗰三分因為我坐得太前嘞，霆鋒同周杰倫兩個後生仔真係合作得好好，我會買飛入場再睇多次，慢慢睇真啲。

洪卓立：十分滿分嘅話，我畀9.5分，未睇過港產片可以全無冷場，唔係槍戰，就係飛車同肉搏，值得一睇再睇。

陳家樂：我畀9.5分，霆鋒同周董配搭新鮮，佢哋演繹兄弟情好細膩，好感動到觀眾。

詩雅：9.5分！金燕玲姐姐好自然流露，霆鋒、周董同安志杰表現出三種唔同嘅男人味。電影感好震撼，我以為睇緊荷里活片呀！