霆鋒賣命 親友齊撐 拉姑掩眼睇：心痛呀

霆鋒在《逆戰》中瞓身演出，父親謝賢、母親狄波拉、繼父鬍鬚Kong、好友杜如風、郭偉亮及葉佩雯等當然傾巢撐首映，場面熱鬧。拉姑全程風騷，對記者有問必答，得悉兒子今次「玩命」，她謂：「點都要嚟支持，最多掩住對眼睇，心痛呀！」拉姑又不諱言農曆新年最想見兩寶貝孫Lucas及Quintus，並將親自包大利是給他們。但談到買新衫，她笑說：「呢樣佢哋媽咪叻啲，（Lucas逃學？）小朋友可以多方面學習嘅。（鋒芝復合？）我都係睇新聞，唔好將我放喺佢哋中間，天意難違呀，總之好就好，就算唔好都唔使做敵人。」霆鋒妹妹兼安志杰女友婷婷則因病倒未能到場。