關心妍 遇失意 諗過轉行
人氣網站ontv一向為讀者提供最快最新的娛樂資訊，獨家猛料多籮籮，當中由周吉佩（吉吉）主持的《娛樂onShow》，成為不少網友熱捧節目，將於本月二十日在紅館開騷的關心妍，日前接受吉吉獨家訪問，透露歌衫不乏透視貼身效果，老公可會介意？她說：「佢知道尺度唔會太過分，冇詐型！」為了備戰，Jade近日積極做運動，由最肥118磅減到現在96磅，問到老公見她如此消瘦可有心痛？她說：「都唔會，佢都鍾意運動，佢仲日日都妒忌我冇肚腩。」
訪問期間，Jade亦剖白入行十年的辛酸史，回想失意日子，她曾一度想過轉行，她說：「初初會諗點解會咁，點解唔可以順利咁行，開始個人變得好驚，話邊度跌低邊度起身，唔係講緊個成績，而係講緊我要面對番我自己。」