區文詩受情傷搵藉口
歌手區文詩（Angela）經常把自己比喻成「無腳雀仔」唔恨嫁，更曾拒絕前男友鈴木仁的求婚，其好姊妹鄧麗欣（Stephy）指Angela因為過去的情傷而藉故逃避，更為Angela新歌填詞，Angela一收到歌詞就眼濕濕並感觸的說：「首歌詞話嗰啲成日話唔想結婚嘅女仔，其實係畀男仔傷害過先會咁，而首歌叫《借口》。」
Angela入行後曾有個拍拖一年零八個月的外籍男友，大家都認定對方，她更是非君不嫁，未料戀情最後無疾而終，當時她日日以淚洗面：「嗰時好彩Stephy喺身邊陪住我！」不過Angela現在不排除會閃婚，她說：「因為我唔重視婚姻，同埋最好對方唔使我生小朋友。」