王璐瑤裸跑 康城驚艷
香港演員王璐瑤於《無性界之婚》之《CRY 2》中，忘情演繹，在凍爆街頭裸跑，幸好，辛苦有價，該片去年出戰康城電影節，讓歐洲電影人刮目相看，大讚電影乃誠意之作！
在寒冷街頭裸跑，當然要下不少勇氣，王璐瑤自評在《CRY 2》中的演出：「記得嗰時得4℃喺西貢拍裸跑戲，好凍、好難忘，有香港人睇完問我做乜咁勇，其實個戲嘅裸露合理，我入行四年，拍過《明媚時光》都有裸露，當年我已經豁咗出去，我好鍾意西片《鐵達尼號》同《讀愛》嘅琦溫斯莉，演員演戲唔可以有咁多規範。」
多支持聲音
幸好，王璐瑤犧牲有價，電影參加過不少國際電影節，其中在康城電影節以及在香港播映時的反應都相當之好，《赤》片監製聶凌說：「《赤》片舊年去過康城宣傳，歐洲電影人對香港拍出咁大膽題材好意外，部片舊年底喺香港放映，facebook上面有好多支持聲音，我既係《CRY 2》導演又係《赤》片監製，好希望藉此鼓勵香港年輕一代電影人多作嘗試。」
年輕人心態
《赤裸人生》內，除有《CRY 2》之外，還有另一條短片《神召男》，雖然沒有大明星演出，但都花了不少心思去拍攝，該短片之導演李兆龍坦言短片所拍的內容，是想探討年輕人的心態，李兆龍說：「《神》片取材前年荃灣倫常兇殺案，唔係要批判同喺傷口灑鹽，係想探討年輕人係咪受網絡、漫畫、電玩影響太深。我都好欣賞另一套短片《CRY 2》導演技巧同女主角王璐瑤嘅演出，真係做得好好。」
文：影視組 攝影：唐豁莊