蔡瑩瑩 玻璃損手腳 縫11針
「o靚模狀元」蔡瑩瑩上月在屋企發生家居意外，當她拉開衣櫃時，櫃門碎裂，沙拉沙拉，玻璃隨即遍布手腳，立即送院醫治，其後更停工一個月休養。
蔡瑩瑩（Ivy）日前遇上家居意外，衣櫃玻璃門無故碎裂，幸好樣貌無事，可惜手腳布滿玻璃﹕「當時即刻入醫院，拎番玻璃碎出嚟，手縫咗七針，腳縫咗四針，不過已經好好彩無整親塊面。」雖然Ivy看似無大礙，但手腳當時包着紗布，看似十分嚴重﹕「當時我都唔知自己整親，見到啲血係咁流出嚟先知有受傷。」
入電梯難撳升降機
事發時Ivy正打開衣櫃門，玻璃突然無聲無息碎裂，她完全不懂反應，回頭才發現手腕與腳背受傷。她說﹕「救護員話我好好彩，淨係傷手腳。佢哋之前見過曾經有個同我差唔多情況嘅人係成個身都布滿玻璃，血流披面。」可惜因為縫針關係，手腕留有疤痕，對於藝人工作，始終有影響，她坦言﹕「今次雖然有少少疤痕，但已經係不幸中之大幸，好彩手嘅傷口好細，戴手鏈都可以掩到，腳就唔係好覺眼啫。」Ivy指意外後行動不便，入電梯都要人幫手撳升降機。
