蔡嘉寶盧詠芯齊錫身唔敢晒球技
新人「翻版Regen」盧詠芯（Bambi）和蔡嘉寶（Akina）早前與同門師弟妹齊齊現身球場，落場跟公司足球隊學球技，但Bambi與Akina這兩位足球初哥非常錫身，最後返回觀眾席為隊友打氣。Bambi表示平時很少接觸足球，笑言踢波會變得「大隻」，她說︰「踢波會令大髀變粗，所以唔會成日落場踢，喺場邊睇人踢都幾好呀。」
而早前憑電視劇被網友捧為「宅男女神」的Akina表示平時會到球場睇波，笑言乘機「（目及）仔」，她說︰「我咁細粒落場好容易被人撞，又擔心食波餅，所以都係喺場邊睇波好啲。」雖然兩人大讚踢波男仔大隻又有型，但問Bambi會否找個「波牛」做男友？她則說︰「都係唔好，怕佢淨係掛住踢波唔理我。」