蔚雨芯進軍樂壇 冇諗拍拖

新人蔚雨芯（Rainky）日前出席活動擔任表演嘉賓，並獻唱改編自譚詠麟的金曲《愛在深秋》，她說：「呢首係翻唱歌，改咗歌詞，錄音時都勁大壓力，因為驚自己唱得差，校長都有畀意見同鼓勵我。」她謂歌詞講述即使失戀都要抬起頭，問到有否慘痛的失戀經歷？Rainky說：「冇試過，因為以前只係小學試過拍拖，係puppy love，最多都係拖手仔，所以冇試過被情所傷。」她直言現在不急於尋覓另一半：「想過多兩年先拍拖，因為依家忙工作，同埋要進軍樂壇，下年年頭就會出新碟，所以要將時間放喺工作上面！」