肥媽見阿仔舞傷心痛
劉美君（Prudence）及肥媽為節目《亞洲星光大道4跳舞吧！》擔任評判多月，與一眾參賽者培養出感情，早前淘汰賽給予評語時更眼濕濕！視每位參賽者如仔女的肥媽直言看到「阿仔」跳舞受傷而心痛：「叫佢唔好用屁股撞地或者戴pad，點知真係跌傷！其實跳舞好正派，係好好嘅運動，好過落Disco，父母應該畀機會。」
Prudence則表示有參賽者起初不被看好，但聽取其評語後開始發揮才華，令她甚有滿足感：「時下好多年青人之間冇聯繫，呢個節目好好，令佢哋學識互相學習同面對挫折。（有咩忠告？）發揮創意，唔係跳舞耐就贏。」至於會否做下輯評判？肥媽笑言想繼續跟後生仔交流，但要就檔期，Prudence表示隨緣。