陳慧琳拍笑片當胎教
賀歲片《八星抱喜》以粒粒巨星作賣點，當中「大婆肚」陳慧琳與演地盤工人的古天樂做一對，令人期待！在片中狂晒肌的古仔有全裸戲，不用埋位他即狂舉啞鈴操麒麟臂，但換來一身傷：「練到肌肉勞損發炎，上半身一度唔郁得要睇醫生。（想Keep住咁大隻？）太大隻好多動作都做唔到，沖涼都抓唔到背部啦！」
Kelly亦大讚古仔肌肉滿分，問到老公Alex身形如何？她笑說：「剛拍拖時都有肌肉，依家一Pat Pat，佢見到古仔嘅身形都有讚！（叫佢操吓？）唔使！我身形都唔係靚。」佗B開工的Kelly笑言拍開心戲可當胎教，又獲劇組優待，故拍得很舒服。
監製黃百鳴自信可憑新鮮組合鍊贏曾志偉新片，當中吳君如及甄子丹一對最令他喜出望外。