福祿壽紅館賣笑掀集體回憶
「福祿壽」阮兆祥、王祖藍、李思捷的處男紅館演唱會二月開騷，三兄弟由公仔箱扮嘢扮到殺入紅館舉行演唱會，帶給觀眾集體回憶，他們坦言夢想終成真。
由阮兆祥、王祖藍、李思捷組成的福祿壽將於二月殺入紅館舉行《那些年爆笑不離3兄弟》演唱會。未開騷三人的扮嘢本領已令人笑破肚皮，先有祖藍惡搞「涼朝偉」，連嘉玲也笑爆在微博回應。阮兆祥接力一人分飾兩角扮「撻成一塊」，確實如主題勾起港人集體回憶。
開一場冇壓力
今次在演唱會扮盡圈中紅人，三人不擔心會得罪人，因扮嘢只為得啖笑，絕無挖苦之意。祖藍表示：「最爆係嘉玲姐喺微博回覆，扮到梁朝偉真係無憾。」祥仔笑謂雖然事前未得嘉玲首肯，但得悉她反應良好，希望屆時能邀請嘉玲來睇騷。
福祿壽今次踩入紅館夢想成真，會與觀眾齊齊集體回憶七、八十年代樂壇的光輝歲月。問到為何初步暫定開一場？他們說：「其實係唔想有壓力，係想enjoy去演出，逐步逐步達到終點。由當初做「超級巨星」嘉賓，到後來到會展開騷，紅館係我哋嘅終點站，今次簡直夢想成真。」
文：影視組 攝：黎志輝