板野施獨計 避戰蛯原道端

身高1.54米的板野友美曾與日模道端及蛯原在日本出席手袋品牌Samantha Thavasa的宣傳活動，拍在一眾「高人」身邊令板野頓變小矮人，更被網友形容等同「公開處刑」，意指被公開暴露她矮小身材的弱點，令她尷尬萬分。板野為免重蹈覆轍，今次來港前已向大會扭計，要求將香港新店的開幕活動分開兩天進行，她提前於開店前一天亮相，並於昨日匆匆離港，避過與昨日現身該店的道端、蛯原及Paris Hilton胞妹Nicky Hilton等同場。

唔知張根碩乜樣

板野於昨午飛返日本，廿多粉絲往送機，可惜她以調虎離山令不少粉絲撲空。而板野前晚接受本報專訪，對於網友指她跟韓星張根碩似樣，板野笑謂：「真係似咩？我未見過佢，都冇睇過佢啲作品，唔知佢咩樣。」目前正努力學好英語的板野，被問到有否信心在下屆AKB48總選中獲得較高排位時，她亦大晒英語說：「No Comment！」

蛯原恨拍成龍戲

至於蛯原和道端，昨日以代言人身份來港港出席品牌第二天的活動，蛯原表示跟Nicky Hilton有多次合作機會，已第二度來港的她，計劃在留港的兩天去shopping和吃中菜，她更大賣口乖說：「好有興趣嚟香港發展，同埋想去中國大陸發展，好想學中文。我好鍾意成龍，希望有機會同佢見面，拍佢嘅電影。」

文：外娛組