蔡楓華勁歌熱舞挽尊嚴
再度活躍樂壇的歌手蔡楓華（Ken），入行31年歷盡高低起跌，自去年在九展開騷後，終於一圓夢想四月在紅館開個唱。Ken昨日穿着繡上「KENNETH CHOI IN CONCERT HK 2012」字眼的牛仔褸出席個唱記者會，獲十多名忠實歌迷到場支持，活動中有歌迷向Ken送花、相簿及鑽石吊飾，寓意Ken能夠繼續發光發亮。
挑戰四面台
一直對紅館有情意結的Ken，自言終於等到今次機會﹕「今次開四面台對我好大挑戰，我唔希望畀人睇小，尤其對歌迷同家人。」他又透露到時會表演勁歌熱舞，現正積極Keep Fit﹕「我唔怕辛苦，依家搏晒老命去練，希望可以憑演唱會贏番名譽、地位同尊嚴。」
Ken對去年復出的個唱感到滿意﹕「香港、內地同美加嘅表演都爆滿，如果今次反應都咁好就十全十美啦。」個唱門票經已開始接受預訂，Ken透露反應理想而且歌酬更達六位數字。談到好友盧敏儀未有參與今次個唱的製作，Ken坦言近日跟她少了聯絡，但個唱會邀請她來欣賞。
文：音樂組