官恩娜 戴百萬鑽飾「嫁」黃又南
官恩娜（Ella）早前披上嫁衣為新歌《相對時空》拍攝MV，找來藝人黃又南擔任「新郎」一角，Ella說：「當中講我哋係一對分咗手嘅情侶，各自籌備婚禮嘅時候撞番，結婚嘅場面係幻想如果兩個冇分手會點。」
提到身上價值近六位數字的婚紗及百萬鑽飾，Ella就言難免感緊張，她說：「好似着咗棟樓上身咁，自己又論盡都唔敢太大動作。」另外，兩人又走到街頭拍攝「嗌交戲」，入戲程度讓途人差點信以為真，Ella說：「今次係第一次同又南合作，知佢近年主力喺內地拍電影，真係好感激佢抽空幫我。」
