關心妍Keep fit 紅館晒胸
關心妍（Jade）正為紅館演唱會作最後準備，逾80萬戰衣亦率先曝光，為配合「水世界」的主題，其7個造型當中不乏低胸、薄紗及透視裝，大騷她苦練得來的至fit身材，唯一令她苦惱是昔日的33D豪乳已「失蹤」，現要狂飲木瓜湯極速豐胸。
Jade的演唱會將於下周五（20日）開鑼，為完成她最完美的回憶，除了斥過百萬建水舞台外，更豪花逾80萬訂造7套獨一無二的靚衫。日前Jade展示其中2套新衣，其中一條白色長裙，裙的兩側及背部全是通花喱士，而另一套，下身是螢光紅的立體花花裙，但上身則是裸色大露背透視裝，兩款設計令人想入非非。
狂食中藥補身
問她全是透視設計，可得老公同意？她細細聲說：「佢未知o架。」問到她有否嫌胸部太「細」？Jade也認同：「我知，到時都要加啲嘢（胸墊），我都會趁餘下嘅時間，狂食中藥補身，朋友仲介紹我飲畀孕婦谷奶嘅木瓜生魚湯。」
老公送水晶鞋
Jade又展示電話中另一套全球僅得一套、價值逾20萬鐵線晚裝的相片，單計運費也要5位數字，她說：「係Larisa Katz設計師嘅作品，裙襬可任意放下，好似魔術咁神奇，因為裙太大，現時構思着呢件裙時，我會被吊起。」有靚衫，當然要靚鞋襯，Jade腳上鑲滿水晶的鞋亦是限量版，兼意義深遠，她笑住謂：「係老公送畀我嘅禮物，我好想買對水晶鞋開演唱會，但成4萬幾好貴又冇我size，點知老公遊勻全港幫我搵到，我收到時開心到喊。」
採訪：音樂組