劉心悠dry夠 恨龍年拍拖
台灣姑娘劉心悠去年擴大版圖發展內地，又染指舞台劇，得到幸運之神眷顧，成績尚算不俗，經過一輪衝鋒陷陣，心悠將趁農曆新年小休片刻，返加拿大充電兼做孝順女，自言單身多年的她，期望龍年會有真命天子出現，好讓她再嘗戀愛滋味！
內地市場何其大，近年不少港星紛紛北上吸金，就連來自台灣的劉心悠也受不了誘惑，去年嘗試開拓內地市場，接拍與鄭嘉穎合作的劇集《步步驚心》，沒想到贏盡口碑，連帶二人人氣急升，工作量隨之而來，荷包自然腫脹。
難忘學騎馬
回憶過去一年，心悠笑言相當滿意：「因為我有好多新嘗試，除拍咗兩套古裝劇，我又演舞台劇，識咗好多唔同類型嘅表演，算係精彩一年，雖然好忙，但同屋企人見面次數反而多咗，大家update對方嘅嘢都快啲！」談到內地工作的難忘事，心悠透露拍古裝劇時被要求學習騎馬，沒料馬匹很有脾氣，令她一步一驚心，未能衝破心理障礙，結果有關戲份也只能拍攝其大頭，其餘部分由替身上陣，心悠謂：「真係好驚，師傅話畀啲馬fing多幾次就唔驚，我真係接受唔到，後來我返加拿大的起心肝去學，結果上咗三十幾堂先識，仲克服埋嗰種恐懼添！」
返加陪父母
對於龍年將至，身為孝順女的心悠已定下行程，準備返加國陪雙親度歲，不過現時最令她煩惱的，就是機位緊張，她說：「我好想返去，依家等緊機位，但返到去都冇屋住，因為Daddy搬緊屋，所以又要搵酒店，呢刻都未訂到，都真係幾擔心，（有冇男友帶畀父母過目？）梗係冇啦！我都想拍拖，因為真係有好幾年冇戀愛，希望龍年畀我遇到真命天子，畀我做吓小女人啦！呢個就係我新年願望！」
採訪：影視組
攝影：李廣成
場地：香港迪士尼樂園
化妝：Jan@Annie G Center