甄子丹寸宗師有排等
宇宙最強甄子丹果然夠霸氣，他昨日為蕭定一新片《3D急凍奇俠》（暫名）拍攝海報時，一身古裝扮相的他暗寸等睇偉仔主演的《一代宗師》等到頸都長。他先自爆因為很多人問他《葉問》第三集何時開拍，問到會否等《一》片上畫才開鏡？他說：「唔使等佢上畫先拍啦，驚要等多五年，其實導演葉偉信都醞釀緊！」
有指丹爺去年勁賺兩億，他耍手擰頭說：「冇咁嘅數，其實我都唔知有幾多，都係老婆管，佢先係老闆！」記者笑他是怕被稅局追數？丹爺即說：「又唔係唔見得光，我哋做正行㗎！」對於該片考慮到新政府總部取景，問到會否害怕新政府總部特別多菌？丹爺打趣表示不怕。