林峯chok出知音 子珊勁like
近期因奪得勁歌金曲金獎惹批評的林峯，昨日被安排陪同無綫行政主席梁乃鵬博士主持新落成的Sky Zone揭幕儀式，足見其當家小生的地位。另外，徐子珊出席另一活動亦「聲援」林峯，力撐《Chok》好聽。
無綫行政主席梁乃鵬博士昨日率領製作資源部總監樂易玲、當家小生林峯及二十八位應屆國際中華小姐候選佳麗為將軍澳電視城新落成的Sky Zone主持揭幕儀式。林峯憑《Chok》奪得勁歌金曲頒獎典禮金曲金獎惹爭議，陳奕迅亦拿他來開玩笑，林峯昨日受訪時表示：「其實同佢哋私底下都好friend，根本就冇嘢，唔好將件事放大啦。」
墊高對鞋襯華姐
林峯為今年國際中華小姐擔任表演嘉賓，與眾佳麗勁歌熱舞，問到林峯有沒有心水佳麗﹖他說：「今日第一次見未睇清楚，不過，好多都好高，排舞師都問我使唔使對鞋墊高啲。」而眾候選佳麗昨日以運動裝亮相，唯獨(21)許敏將外套拉鏈拉低大騷咪咪，成功搶鏡。
此外，徐子珊出席活動時也撐林峯的《Chok》好聽，她說：「首歌拍MV時我都喺現場，首歌好聽喎。」
樂易玲否認離職
另外，梁乃鵬在活動上透露無綫大計，他表示TVB在將軍澳工業村購置15000平方米地皮，準備在2015年前興建新媒體大樓及能容納數千人的大型綜藝表演館，投資達十億。對於樂易玲再傳離職，梁乃鵬指絕無其事，還指公司會多撥資源給她大展拳腳，而樂易玲也稱短期沒有離職打算。對於其愛將林峯得獎惹爭議，她說：「呢啲可能因為佢同TVB係經理人合約嘅關係，但係根據分數佢係名列前茅，如果怕畀人講唔畀獎佢都唔公平，我哋要捍衞勁歌嘅制度。」