張學友癲瘋個唱袋硬2億
歌神張學友的世界巡迴演唱會已吸引逾200萬觀眾入場，估計身家進帳近二億。他覺得演唱會令自己開竅進步，並笑言：「神得滯都會癲！」學友亦力撐後輩陳奕迅（Eason）是神級歌手，笑言對方有先天優勢，因本身的名字叫Eason。
學友昨日為《張學友1/2世紀演唱會》舉行記招，這個世紀個唱自前年底揭開序幕，短短一年已走遍62個城巿，演出108場，入場觀眾更逾200萬，並刷新多項個人紀錄。今年5月將回歸香港在亞洲博覽館作壓軸演出的學友宣布再加開兩場，合共8場，原汁原味的360度高清屏幕旋轉舞台將呈現觀眾眼前。
問到世紀演唱會是否為他帶來近二億歌酬？學友笑說：「我冇計到，你幫我計，冇諗過賺幾多錢。」今次個唱能忠於他的構思，滿足感大於錢，自我表現也比預期好。他笑說：「係開竅，技術好咗，係意外收穫，有所得着。（神級都進步？）係呀，神得滯都會癲。」
「唔係有獎就好」
Eason早前表示跟學友這個歌神拉近了位置，學友亦力撐對方：「佢已經係神級，佢有先天優勢，佢本身都叫Eason。」提到現今樂壇頒獎禮被批欠公信力，學友坦言沒聽過林峯的《Chok》，並踩自己「背」。學友說：「首歌得唔得大家有耳仔聽，唔係得我耳仔有問題，奇怪都唔係得我睇到，但知道嘅人又唔去做。（害咗歌手？）我想回應吓一啲歌手唔係話有獎就好，應該係首歌唱得好做得好攞獎，唔係頒咗個獎就好，咁對大家都唔好，大家都要反省，希望否極泰來。」