莊思敏為思華求平安符
昨日兩位模特兒莊思敏（Jacquelin）與Alice B.一起在荷里活廣場為宮廷文物珍品展主持開幕，兩人均以迷你旗袍上陣，Jacquelin在裙腳開衩位置更露出黑色打底褲。她說：「條裙偏短，都OK嘅，有打底褲。」她透露農曆新年會與兩個妹妹一起返吉隆坡跟父母過年。
提到早前妹妹莊思華撞車一事，Jacquelin說：「妹妹冇咩大礙，但架車就傷啲，架車廿九萬幾，係爹哋媽咪送畀佢嘅新車，肉都赤埋。佢之前都撞過四、五次車，慣喇，呢次最嚴重，佢都幾黑仔，成日遇到啲失魂司機，我覺得佢反應同經驗唔夠，應修讀駕駛改進課程。」她表示會為妹妹求平安符，而她自己則會在家擺桃花陣催旺桃花。