徐子淇自爆癮起家中行貓步
「千億新抱」徐子淇以大家姐身份出席昔日舊拍檔所開的新模特兒公司活動，即使眾多師妹以性感打扮出場，亦難掩子淇的風采！子淇更以身作則，教導眾師妹工作之餘，亦要品學兼優。她又笑言現在仍有鋪癮想行貓步，不過就會留番喺屋企行。
「千億新抱」徐子淇、名模Mandy Lieu、傅嘉莉等，前晚出席PRIMO模特兒公司活動。子淇的父母亦有到場支持，子淇更戴上巨型鑽戒現身，當記者上前訪問時，身旁的保安大為緊張。隨即被記者追問是否再懷身孕？她笑言：「唔係，減咗肥幾日。似有咗咩？」她並自爆剛與老公李家誠及孩子外遊返港。
自認符碌入行
她笑言聽到行騷音樂響起時，感到十分緊張。問到會否有心癮再行貓步？她笑言：「唔夠膽啦！（唔會有癮咩？）喺屋企着得靚啲咁行啦！」她笑言自己當年入行全靠運氣：「其實我係好符碌咁入行，我又唔高，又唔瘦。嗰時只係陪朋友去參加面試，結果得咗。」她坦言父母起初反對她入行，認為娛樂圈品流複雜。她續說：「我求咗佢哋好耐，同埋為咗證明入行後成績冇退步，我好勤力讀書。」
老公叫離娛圈
對於時下o靚模氾濫，子淇寄語她們多讀書，因知識是一輩子的財富。問到假如將來子女想加入娛樂圈，她會否介意？她笑言：「我自己唔介意，不過老公應該介意。佢好傳統，喺我應承咗同佢結婚前一年，佢已經叫我唔好做，專心計劃結婚。」
而有「翻版徐子淇」之稱的傅嘉莉笑言首次與正版同場，坦言十分羨慕對方有美滿家庭。而Mandy對於公司人才輩出，感到十分高興，更表示有錢齊齊搵！
文：名人組