再遭助手數臭 陳雅倫徹底失望
陳雅倫（Ellen）與內地助理小霞鬧勞資糾紛，昨日小霞發了廿多篇微博力數陳雅倫不是。陳雅倫在電話中稱：「佢講嘅嘢，我唔需要去澄清，大家清楚我係咩人，佢（指小霞）無資格講！佢幫咗我咁多年，佢依家咁樣做，職業道德何在？佢咁嘅職業操守，香港、內地嘅藝人真係要諗清楚放唔放個計時炸彈喺身邊！」
Ellen坦言因為「八日工資」就試出對方的人格與修養，對小霞徹底失望！Ellen又謂：「一直同佢爭取最好嘅福利，住嘅都係演員住嘅酒店，前幾日同佢鬧交之後，我都無即刻叫佢走，之後我會連埋幫佢訂造嘅羽絨衫連埋工資一次過畀佢，點知佢愈嚟愈過分，尋晚再傳咗個威脅我嘅短訊，真係好失望。」