法拉聞諸色變傻笑封嘴
陳法拉向來對「未來妯娌」諸葛紫岐（Marie）的事情不加意見，但日前她卻離奇代對方否認小產一事。昨日被追問她是否感心涼？她只傻笑回應：「哈哈。我真係唔知點答。」其後對有關Marie的事宜，一律封口。
陳法拉昨日為首飾品牌Thomas Sabo擔任模特兒，被問到有否關心Marie小產一事，她即表示：「前日回應過，唔再回應。（點解前日回應？）咁大件事，都會問吓。」當記者提出有報道指她感到心涼時，她即反問記者何謂心涼？繼而傻笑說：「哈哈！我真係唔知點答。要講嘅嗰日都講咗，我已經好認真咁答咗，為咗唔好令事情複雜化，唔會再答。」那有否再從男友薛世恒口中打聽Marie小產一事？她即封口：「已了解事實，唔再講啦！（Marie暗寸你多嘴？）唔會再回應，你問番佢本人。（你所講嘅事實係咪冇小產？）前日已經講過。」
返美治病度歲
另外，她表示完成手頭工作後，便會返美國治療面癱問題兼過新年，對於未能與薛家長輩過新年，會否被指不孝順？她笑言：「你要問番佢哋，我哋一路都有一齊食飯、相處。（冇你出席會有缺陷？）我哋有共識。」被問到會否與Marie一同吃團年飯？她即表示事件涉及長輩安排，不願多談。另她又謂沒被長輩催促生龍B，現以工作為先，其他再從長計議。
諸葛明日出動
而Marie將於明日如期出席日本手袋活動，同場還邀請了美國Hilton酒店集團千金Nicky Hilton、日本超模道端Jessica和蛯原友里來港出席開幕禮派對。主辦單位本以為Marie會因身體狀況而未必能出席，但她堅強地表示：「我唔想因為私人原因，令到對我有信心嘅人失望。主席（男友薛嘉麟）媽咪總係同我哋講，人要向前望，今日遇到唔如意嘅事，到咗聽日今日就係過去。只要你有一個積極嘅心，勇敢去面對，聽日一樣可以好燦爛！」
文：名人組