楊愛瑾住家菜冧男友
楊愛瑾（Miki）早前表示今年自資出唱片，再度投入工作的她不擔心因而冷落男友，言猶在耳，Miki前日化身為小女人，為煮餐靚飯氹愛郎，不惜穿梭超巿尋好餸。
女藝人Miki和永安百貨太子爺郭永淳傳緋聞多時，日前為了煮一餐住家飯氹男友，「頻撲」地在超級巿場奔走，前日下午4時多Miki由中環一間超巿步出，剛巧碰見記者，她友善地打過招呼後說：「我去買嘢，但呢度冇得賣。」
順道掃衫
離開商場後Miki先往附近的櫃員機提取現金，繼而步往中半山方向，途經時裝店時Miki難忍新衫誘惑，入內看了約廿分鐘，即大有收穫。拿着一大袋新衫步出的她，繼而殺入另一間超巿，全程主攻蔬菜及新鮮食品，買菜又買薯仔，同時溫柔地講電話向對方詢問意見。原來，Miki為了一餐住家飯而「騰來騰去」，落足心機，未幾選好食材她即提着一袋二袋戰利品急急腳回家開火煮飯仔。
落足工夫
早前Miki公開表示今年有意再度出碟，直言會自掏腰包找製作人揀歌錄音，更會跟老師學唱歌，連農曆新年亦放棄旅行改為練琴及做運動。投入工作會否擔心冷落緋聞男友？當時Miki口頭上說不怕，揚言做女人不可以靠男人！話雖如此，Miki私底下細心煮飯買餸，無非為氹男友而做足工夫。
文、攝：追蹤組