天華：有啲人亂講博宣傳

謝天華與周麗淇昨於深水埗為新劇《女警愛作戰》開工，拍攝動作場面一顯身手。談到有指宣萱拍內地劇耍大牌一事，與對方素有私交的天華代講好話謂：「佢份人好nice，唔係咁樣嘅。（佢太認真？）認真唔好？唔通開工玩同嬉戲咩？（女演員難湊？）女仔貪靚，埋位時整理吓儀容好緊要。有啲人亂講博宣傳就另作別論。」矛頭直指向內地演員王兆祥。對於林峯奪金曲惹來爭議，天華力撐對方：「佢都有付出過努力，好畀心機嘅。（林保怡話佢哋首歌四歲都識唱。）咁《小明上廣州》係咪好應該攞獎？」