Cara G.遭狼吻泰驚險

混血模特兒Cara G.早前與姊姊結伴到泰國龜島旅行十二天，放鬆充電。Cara說：「我哋除咗游水曬太陽，仲租電單車四圍去，食咗好多地道美食，又放孔明燈許願，好好玩，可惜當地天氣唔係咁好，日日都落雨，到我哋走之前嗰日先陽光普照。」
Cara不忘大晒美好身材。
Cara不忘大晒美好身材。

而這次愉快旅程中竟發生驚險事件，Cara慘遭狼吻，她猶有餘悸地說：「有晚我同家姐去Party，家姐想玩耐啲，我自己一個搭的士返酒店。個的士司機喺酒店附近停低咗，之後伸手摸我隻腳同捉住我嚟錫，我掙扎推開佢，佢就扯住我啲頭髮，我係咁打佢先走得甩，但就刮傷咗隻手。呢次經歷係我遇過最驚嘅一次。」

Cara脫離狼爪，只刮傷手肘。
  • Cara脫離狼爪，只刮傷手肘。
Cara G.與姊姊享受陽光與海灘。
  • Cara G.與姊姊享受陽光與海灘。