莊思敏借戶口買金 經紀輸錢走佬

陳靜遇上騙案，圈中不少藝人都曾遇過類似經歷！莊思敏於兩年曾被經紀挪用戶口，損失接近六位數字，她說：「兩年前我冇諗過買倫敦金，但係有個經紀話想借我戶口去買，我見佢係我朋友個朋友，咁就是但啦，隔冇耐輸錢佢就人間蒸發走佬，搵都搵唔番，Total唔見接近六位數字！」她又表示自此再不會借戶口給任何人，會好好管理自己的戶口，慎防被騙。
莊思敏錯信友人，損失近六位數字。（資料圖片）
莊思敏錯信友人，損失近六位數字。（資料圖片）

至於周秀娜則曾被人追數500萬，原來是白撞，她說：「早前試過有人打去我公司，話我爭佢500萬，好彩我公司唔係傻，話公司只是經理人，管唔到我私人事，咁佢就收線喇！」娜姐笑言想不到她的名字只值500萬：「係呃就呃多啲啦！」

周秀娜無端被屈欠債500萬元。
  • 周秀娜無端被屈欠債500萬元。