陳靜遇騙失財擬報警拉人

坊間騙案層出不窮，多以長者為目標，詎料80後的o靚模DaDa今次竟淪為騙案女主角！現年22歲的DaDa早年憑33D火辣身材極速上位，由於工作不斷，幾年間密密賺變成o靚界小富婆，前年更購入價值400萬、西九四小龍「泓景臺」，升級做業主，近來升值不少即果斷扑錘放盤，可見投資有道。

「畀錢睇清楚一個人」

戶口突然水漲船高，自然吸引心懷不軌的人物埋身，對DaDa的家財虎視眈眈！近日她被身邊的一名女友人游說投資生意，由於跟這名女友人稔熟，遂不虞有詐，放心過了近六位數字金額予友人戶口，豈料這名女騙子得財後，未有替DaDa投資之餘，更以其名向DaDa所屬公司的o靚模埋手，指自己有份幫DaDa投資物業，令她賺到盆滿缽滿，誘使她們落疊，據知，已有多名o靚模中招，連「E Cup教主」鄧伊玲（阿旦）亦差點遭殃，慶幸臨門一腳揭發女騙子真面目，惜DaDa發現時已太遲，女騙子早已逃之夭夭。

蔡瑩瑩發現有人藉其名義「呃飯食」，她提醒友人要打醒十二分精神。

險做「水魚」的阿旦最終揭穿騙子的真面目。

DaDa得悉身邊多名o靚模慘遭毒手後大怒，考慮報警處理，她說：「本來我今次蝕錢諗住由得佢，當畀錢睇清楚一個人！點知佢仲用我個名周圍呃人，真係冇得原諒！我會同經理人商量報警追討！」

事件令DaDa飽受心理創傷，所以決定搬往西貢跟好友阿旦同居，萬一再遇到同類型事件都有個照應。

蔡瑩瑩慘成「獵物」

另外，跟DaDa同門、有「o靚模狀元」之稱的蔡瑩瑩（Ivy）得悉事件後即在微博高調呼籲，提醒其公司模特兒要小心騙子，她說：「有人曾經用我的名義游說別人投資，現在據我所知這騙子已經嘗試游說我身邊不少朋友跟她『合作』，請各位小心，不要上當！還有，要當心別人誤會你是她的同黨，因為此人喜歡在背後以別人名義博取她的獵物信任。」其經理人施念慈亦留言：「這人實在太過分，要遠離及小心！」

文：專案組