薛芷倫狀態大勇「峰」殺群模

前晚薛芷倫（Fanny）為香港毛皮業協會2012年皮草設計比賽擔任評判，當她甫到場時，皮草下一襲黑色低胸晚裝已艷壓全場，論性感程度連同場行騷的模特兒徐靖雯、Alice B.、戴小奕、林莉等也給比下去。谷胸上陣搶盡風頭的Fanny，被讚身材很厲害時，她也忍不住開玩笑說：「我透唔到氣。」由於天氣寒冷，Fanny脫下皮草外套拍照片刻，已見她不時用紙巾拭鼻水，未知是否冷親。

不要執着外表

除了身材成為焦點外，Fanny外貌亦成為大家關心題目，她說：「我之前大病，依家康復，不過好似電腦軟件硬件壞咗，再好番都會唔同咗樣，而且燈光同化妝都會影響外貌，特別係狀態，你知女仔啦，會有水腫問題，話我唔同咗只係觀點與角度。啲人鍾意用放大鏡睇我，我狀態好咗就覺得我唔同咗。我今日可以咁靚出嚟已經係一個恩典。」

林莉演繹款式新穎的皮草。	徐靖雯中門大開亦搶鏡。	周國豐（左）專誠撐王大業場。

問到現時狀態是否最好，她以「重生」來形容自己，並開心地說：「我都希望係。（囝囝有冇讚你靚？）囝囝唔講呢啲。」其後還叫大家不要太執着於她的外表。

王大業任搞手

另外，何超雲前男友王大業是當晚搞手之一，他稱為籌劃該活動而消瘦不少。問他最近有否聯絡超雲時，他說：「冇。（有冇留意超雲同陳山聰嘅戀情？）冇，都唔係乜嘢新事。」他稱由於工作忙碌，未有機會發展新戀情，否認眼角高。

文：名人組