姜麗文着舊鞋籲環保
歌手姜麗文（Lesley）對於環保一向很有心得，亦推崇環保是從生活開始。雖然現今有很多即叫即整的外賣食物，往往都會虛耗很多器皿，但Lesley表示：「亦都因為咁，所以我好鍾意整嘢食，平時會用食物盒裝住，咁就可以好環保！」
即使連不能循環再造的膠袋，Lesley都能施展環保妙法：「因為我有養狗，所以我會用超級市場嘅膠袋裝狗狗嘅便便。」她又表示平日出街或瞓覺前都會切斷電源，這可以既安全又環保。而Lesley更是慳妹一名，她認為如非必要，都不會胡亂扔掉衣服：「即使小學六年級嘅鞋、衫，我都冇丟，因為仲啱着，所以足足着咗成10幾年！」
最後，Lesley更向大眾呼籲：「一定要環保！千祈唔好睇小一個人嘅力量，因為對世界嘅幫助都可以好大，所以大家都要保護我哋親愛嘅地球呀！」