崔建邦受傷死頂 箍頸出山

崔建邦（Amigo）一直努力埋首助導（PA）工作，之前再度獲陳志雲之助，有幸於明天無綫《2011年度十大勁歌金曲頒獎典禮》中，與師傅曾志偉、伍詠薇，草蜢擔任司儀。Amigo為以最佳狀態示人，近期努力做運動keep fit，可惜日前他打籃球時不慎弄傷頸部，雖已向骨醫求診，敷了三次藥，奈何現時仍要戴頸箍，估計明日都可能要「箍頸」上台。

志雲明到美國

Amigo無奈地說：「依家都要停晒啲運動，骨醫話我拉傷肌肉，因為頸同脊椎相連，所以連行路都痛。（怕唔怕有後遺症？）希望冇啦！」問到「復出」心情如何？他謂：「開心啦！都足足一年冇喺台上做過主持。（師傅志偉有冇嘢同你講？）佢都好支持我，叫我畀心機。」

崔建邦去年十二月擔任第三季季選後，便一直未有再為「勁歌」選舉擔任主持。

志雲（左）昨晚約了舖王鄧成波兒子Stan（右）食飯餞行。

而Amigo恩師志雲昨日返電視城處理餘下的文件事項，便正式離開無綫，他表示明天會起程到美國遊學，參觀當地媒體及科技公司。問短期內會否再為無綫効力？他謂：「我冇諗工作住，只想全神貫注，吸收新事物。」志雲趁離港前，昨晚約了好友食飯餞行。Amigo稱知道恩師會到美國遊學，上星期已跟對方吃飯：「佢新年都會返嚟，會同佢拜年，希望佢開心、享受此行。」

獎項存在變數

另外，四大唱片歌手沒有份兒參與「勁歌總選」，只得無綫契仔李克勤做嘉賓，不過其實四大高層已獲無綫邀請，屆時會於台下欣賞節目，可見關係漸趨良好。據知，有唱片公司現時極力為旗下組合C AllStar爭取「金曲金獎」，而之前被指會奪此獎的林峯，可能會因此奪得「亞太區最受歡迎男歌星」，獎項隨時有變數。